Xəbər verdiyimiz kimi, Azərbaycanda narkotiklərin qanunsuz dövriyyəsi və narkomanlığa qarşı mübarizə çərçivəsində saxlanılan şəxslərin sayı artmaqdadır. Oxucuların diqqətinə çatdırmışdıq ki, ötən ay - fevralda narkotiklə əlaqədar saxlanılan şəxslərin sayında yanvara nisbətən 17 nəfər artım olub, bu da ay ərzində ümumilikdə 745 nəfərin qandallandığı deməkdir.
Qeyd edək ki, bu artım istər-istəməz narkotik vasitələrin təsiri altında avtomobil idarə edən vətəndaşlarımızın sayına da təsir göstərir. Təsadüfi deyil ki, təkcə fevral ayında narkotikin təsiri altında nəqliyyat vasitəsi idarə edən 27 nəfər saxlanılaraq, hər biri barəsində hüquq müstəvisində tədbir görülüb.
Həmin şəxslər barəsində aşağıdakı linkə daxil olaraq, məlumat əldə edə bilərsiniz:
Məlumat üçün onu da bildirək ki, biz, sadəcə, Daxili İşlər Nazirliyi (DİN) tərəfindən açıqlanan rəsmi statistikaya istinad etmişik. Yəni təqdim etdiyimiz göstəricilər yalnız Stopnarkotik.az saytının aşkarladığı məlumatlardır və əməkdaşlarımızın diqqətindən qaçan, eləcə də mətbuata açıqlanmayan faktların rəsmi statistik rəqəmlərdən 5-7 dəfə çox olduğunu da nəzərə alsaq, ölkədə narkotik vasitələrin təsiri altında nəqliyyat vasitəsi idarə edən sürücülərin sayının daha çox olduğu şübhə doğurmur.
Stopnarkotik.az
