Rusiya ordusunda və “Z-bloqerlər” arasında xeyli vaxtdır “kreditlə qələbə” adlı bir anlayış dolaşır. Bu o deməkdir ki, əvvəlcə yerlərdəki komandirlər raport, mükafat, orden xatirinə bir yaşayış məntəqəsinin guya işğal edildiyi barədə Baş Qərargaha, oradan da Baş Qərargah rəisi Valeri Gerasimov Vladimir Putinə məruzə edir. Putin də çıxıb fəxrlə bu “qələbə”ni elan edərək, Qərbə və dünyaya meydan oxuyur.