Nizami rayonu ərazisində 2 şəxsin avtomobilindən 4130 manat dəyərində texniki avadanlıqların və məişət əşyalarının, həmçinin içərisində 200 manat, 700 dollar, kart və sənəd olan pulqabının oğurlanması barədə polisə məlumatlar daxil olub.
Stopnarkotik.az xəbər verir ki, bu barədə Daxili İşlər Nazirliyi (DİN) məlumat yayıb.
Bildirilib ki, polis əməkdaşlarının keçirdikləri tədbirlərlə əməlləri törətməkdə şübhəli bilinən 48 yaşlı E.Həsənov və əvvəllər də oğurluqla əlaqəli cinayətə görə məhkum olunmuş 39 yaşlı T.Mehdiyev müəyyən olunaraq saxlanılıb.
Araşdırmalar aparılır.
