Azərbaycan Silahlı Qüvvələrinin hərbi qulluqçusu, əsgər Əli Vahab oğlu Cəfərovun xəstəlikdən müalicə olunduğu hospitalda bu ilin dekabr ayının 15-də ölməsi ilə bağlı araşdırma aparılır.
Bu barədə Stopnarkotik.az-a Hərbi Prokurorluqdan məlumat verilib.
Bildirilib ki, Bakı hərbi prokurorluğunun əməkdaşları tərəfindən müvafiq istintaq hərəkətləri aparılıb, ölümün səbəbinin müəyyən edilməsi məqsədilə ekspertiza təyin olunub, eləcə də digər prosessual tədbirlər icra edilib.
Faktla bağlı hazırda araşdırma davam etdirilir.
***11:29
Azərbaycan Ordusunun əsgəri dünyasını dəyişib.
Stopnarkotik.az "unikal"a istinadən xəbər verir ki, 21 yaşlı Cəfərov Əli Vahab oğlunun pnevmoniyadan vəfat etdiyi bildirilir.
Mərhum ötən gün Gəncədə torpağa tapşırılıb.
