Bu gün səhər Rusiya Ukraynaya raketlərlə zərbələr endirib.
Bu barədə Ukrayna mediası məlumat yayıb.
Məlumata görə, raketlər strateji aviasiya vasitələrindən atılıb.
Ukrayna Silahlı Qüvvələrinin Hava Qüvvələrindən bildirilib ki, Rusiyanın MiQ-31K təyyarələrinin uçuşları ilə əlaqədar bütün ölkə ərazisində həyəcan siqnalı verilib.
Yerli vaxtla saat 7 radələrində Rusiya təyyarələri paytaxt Kiyev istiqamətində raketlər buraxıb. Bunun ardınca paytaxtda partlayışlar baş verib.
Bildirilir ki, Rusiya Kiyevə ballistik raketlər, ehtimal ki, “Kinjal”la zərbələr endirib.
