"Yeniyetmə və gənclərin narkomaniyanın fəsadları barədə məlumatlandırılması məqsədilə polis əməkdaşları tərəfindən təhsil müəssisələrində aparılan maarifləndirmə işləri davam etdirilir".
Stopnarkptik.az xəbər verir ki, DİN-in Baş Narkotiklərlə Mübarizə İdarəsindən verilən məlumata əsasən, məktəblilərlə növbəti görüş Oğuz Rayon Polis Şöbəsinin təşəbbüsü ilə Ərmənət kənd orta məktəbində keçirilib.
RPŞ-nin rəisi polis polkovnik-leytenantı Fərid Fətəliyev narkomaniyanın fəsadları, onunla mübarizə yolları barədə şagirdlərə məlumat verib.
Tədbirdə, həmçinin erkən nikahların yeniyetmələrin təhsildən yayınmasına, psixoloji travmalara və gələcəkdə sosial problemlərə səbəb olduğu diqqətə çatdırılıb.
Stopnarkptik.az