Qaradağ rayonu Qobustan qəsəbəsində yerləşən “Sheyx Lounge” restoranına qrup şəkilində kəsici və deşici alətlərlə hücum edən şəxslər saxlanılıb.
DİN-in Mətbuat Xidmətinin baş inspektoru polis leytenantı Lumu İsrəfilli bildirib ki, Qaradağ rayonu Qobustan qəsəbəsi ərazisində yerləşən restoranların birində münaqişə baş verməsi barədə polisə məlumat daxil olub.
Polis əməkdaşları tərəfindən keçirilən tədbirlərlə hadisəni törətməkdə şübhəli bilinən şəxslər müəyyən olunaraq saxlanılıb.
Araşdırma aparılır.
***14:27
Qaradağ rayonu Qobustan qəsəbəsində yerləşən “Sheyx Lounge” restoranına qrup şəkilində kəsici və deşici alətlərlə hücum olub.
Stopnarkotik.az Bakues.az-a istinadən xəbər verir ki, hücum edən şəxslər sözügedən qəsəbə sakinləridir.
Restorana hücum edən 5 nəfər – Fariz Arif oğlu Qədirov, Sübhan Qədirov, Ağa Qədirov və kimliyi bilinməyən iki nəfər olub.
Restoran sahibi ilə şəxsi tanışlıqlarının olmadığı bildirilən bu şəxslər qəsəbənin imkanlı insanlarından sayılırlar. Onların hücum zamanı soyuq silahlardan istifadə etdiyi, həmçinin müştəriləri döydükləri iddia olunub.
Şahidlərin sözlərinə görə, qeyd olunan şəxslər restorana hücum zamanı obyektin işlədilməsinə icazə verməyəcəklərini bildiriblər.
Hücum nəticəsində restorana 25 min manata qədər maddi ziyan dəyib. Restoranı işlədən şəxs ayağından yaralanıb. O, həyatının təhlükə altında olduğunu bildirib.
