Hazırda həbsdə olan Teylor İbrahimovun (Fətişoğlu) oğlu Ayxan İbrahimli həbs edilib.
A.İbrahimli ötən gecə paytaxtın Xətai rayonu ərazisində Bilal Əzizov adlı şəxsi bıçaqlamaqda şübhəli bilinir.
İlkin məlumata görə, hadisə münaqişə zəminində baş verib. O, tanışına bıçaqla 2 zərbə endirib. Ağır xəsarətlər alan şəxs xəstəxanaya çatdırılıb.
Faktla bağlı Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə iş açılıb. A.İbrahimli saxlanılıb.
Xatırladaq ki, sabiq prezident Ayaz Mütəllibovun mətbuat katibi kimi işləmiş Teylor Fətişoğlu ötən il həbs edilib. Əvvəllər də məhkumluğu olan jurnalist dələduzluqda təqsirli bilinib./"qafqazinfo"
***10:35
Bakıda bıçaqlanma hadisəsi olub.
Hadisə gecə saatlarında Xətai rayonu Sabit Orucov küçəsində qeydə alınıb. İbrahimli Ayxan Teylor oğlu aralarında yaranan münaqişə zamanı Bilalov Əziz Cumalı oğlunun qarnına 2 ədəd bıçaq zərbəsi vurub.
Faktla bağlı cinayət işi başlanıb. Ayxan İbrahimli şübhəli şəxs qismində saxlanılıb.
