Bakıda avtomobil qaçırılıb.
Bu barədə Stopnarkotik.az-a Daxili İşlər Nazirliyindən məlumat verilib.
Bildirilib ki, avqustun 7-də saat 23 radələrində Binə qəsəbəsi Atçılıq yaşayış sahəsindən “Mercedes” markalı bir avtomobilin qaçırılması barədə Xəzər Rayon Polis İdarəsinin 2-ci Polis Şöbəsinə məlumat daxil olub.
Polis əməkdaşlarının keçirdikləri əməliyyat tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakinləri Əkbər Kərimov və sərnişini Vüqar Qəribov Nizami rayonu ərazisində avtomobillə saxlanılıblar.
Faktla bağlı araşdırma aparılır.
