ABŞ hökuməti Sinaloa narkokartelinin liderlərini - "El Mayo" ləqəbli İsmael Zambada Qarsiyanı və "El Çapo"nun oğullarından birini - Xoakin Qusman Lopezi həbs edib.
Stopnarkotik.az xəbər verir ki, dünyanın ən çox axtarılan narkobaronları heç nə olmamış kimi ABŞ-ın “El Paso” hava limanına gəlib və FTB tərəfindən həbs edilib. Versiyalardan birinə görə, hər iki narkobaron Amerika hakimiyyəti ilə sövdələşərək təslim olublar.
Başqa bir versiyaya görə, sövdələşməyə yalnız "El Çapo"nun oğlu - Xoakin Qusman Lopez gedib və "El Mayo"nu ABŞ-a gətirmək üçün tələyə salıb.
Eyni zamanda Ovidio Quzman (onun qardaşı bu gün El Pasoda həbs olunub) başqa həbsxanaya köçürülüb.
Mənbələr xəbər verir ki, göyərtəsində narkobaronların olduğu təyyarənin gəlməsindən bir neçə saat əvvəl ABŞ kəşfiyyat əməkdaşları El Pasoda oturublar.
Yeri gəlmişkən, təyyarənin özü də ABŞ vətəndaşı adına qeydiyyatdadır və həbsdən 10 dəqiqə sonra El Pasodan yola düşüb. Üstəlik, göyərtədə Sinaloadan olanlarla yanaşı, bəzi geyimli kostyumlu personajlar da var idi.
Böyük ehtimalla, amerikalılar Meksika ərazisində El Mayonu və Qusmanı ələ keçiriblər. Bundan Meksikanın hakimiyyət orqanlarının xəbəri olub, lakin ekstradisiya ilə bağlı mübahisədən qaçmaq üçün məsələni sərhəddə həbs etmək kimi qələmə veriblər.
Stopnarkotik.az