Bu gün səhər Səudiyyə Ərəbistanının Mədinə şəhəri yaxınlığında avtobus qəzaya uğrayıb. Hadisə nəticəsində 40-dan çox insanın həlak olduğu bildirilir.
Bu barədə Hindistanın “The Times of India” nəşri yazıb.
Məlumata əsasən, ümrə ziyarətinə gedən hindistanlı zəvvarları daşıyan avtobus Məkkədən Mədinəyə hərəkət edərkən yanacaq sisterni ilə toqquşub. Toqquşmadan sonra avtobus alovlanıb.
Hindistanın cənubundakı Telenqana ştatının rəsmiləri 42 zəvvarın həlak olduğunu, yalnız bir nəfərin sağ qaldığını açıqlayıblar.
Ölənlər arasında 20 qadın və 11 uşaq var və onların çoxu Haydərabad sakinləridir.
Səudiyyə Ərəbistanı hələlik ölənlərin sayını rəsmən təsdiqləməyib.