Son zamanlarda ürək-damar xəstəlikləri səbəbilə ölənlərin sayı artıb. Statistikaya görə, dünyada və o cümlədən Azərbaycanda ölüm hallarına görə ürəyin işemik xəstəlikləri (tromb, infarkt, stenokardiya və s.) birinci yerdədir. Bunun başlıca səbəblərindən biri insanların vaxtlı-vaxtında həkim müayinələrindən, tibbi yoxlanışlardan keçməməsi göstərilir.
“World Statistics” beynəlxalq statistik mərkəzinin apardığı araşdırmaya görə, Azərbaycan hər 100 min nəfərə 388 ölümlə siyahıda ikinci yerdədir.
Amma məhz son günlərdə ürək probleminə görə ölənlərin sayında artım insanlarrda təşvişə səbəb olub.
Bunun səbəbi nədir?
Stopnarkotik.az xəbər verir ki, Həkim-cərrah Adil Qeybulla Bizim.Media-ya bildirib ki, əvvəllər ürək xəstəliyindən ölümlərin çoxluğunda qidalanmağımız, az hərəkətliliyimiz, əsəb, stres, ekoloji və digər faktorlar rol oynayırdısa, indi isə səbəb koronavirusdur:
“Koronavirus pandemiyası göstərdi ki, zədələnmiş damarlar, ateromanın tutulması çox geniş hal alıb. Koronavirusdan ölüm hallarının çoxu da məhz damar tutulmasına görə oldu. Nəzərə alsaq ki, insanların əksəriyyəti gedib peyvənd olunmadan vaksin kağızı aldı, bu da xırda epidemiyaların davam etməsinə gətirib çıxardı . Bu gün hələ də yoluxma halları davam edir.
Onlar arasında isə kamorbid vəziyyəti, bədənində interferon səviyyəsi aşağı olan, onkoloji xəstələr və s. var ki, onlarda ölüm halları arta bilər.
Çünki koronavirus vaxtı sosial şəbəkələrdə laqeyd adamların vaksin əleyhinə yazdığı statuslar təlqinə meyilli şəxslərə təsir etdi və ona görə də bunun nəticələrrini biz indi görürük”.
“Ürək xəstəliklərindən ölümlərin artmasına koronavirus səbəb oldu” – Professordan SENSASİON AÇIQLAMA
