Türkiyədə “Mahzen-46” kod adı altında həyata keçirilən əməliyyat nəticəsində üç mütəşəkkil cinayətkar qruplaşma zərsizləşdirilib.
Stopnarkotik.az xəbər verir ki, bu barədə məlumatı daxili işlər naziri Ali Yerlikaya açıqlayıb.
Nazir bildirib ki, mərkəzi Bursa olmaqla Türkiyənin 13 vilayətində keçirilən əməliyyat nəticəsində bu üç qruplaşmanın 112 üzvü saxlanılıb, çox sayda silah-sursat və narkotik maddə ələ keçirilib.
Saxlanılan şəxslərin silahlı təşkilat yaratmaq, narkotik vasitələrin qanunsuz dövriyyəsi, insan qaçaqçılığı kimi bir çox ağır cinayətlər törətdiyi müəyyən edilib.