Türkiyədə narkotacirlərə qarşı genişmiqyaslı əməliyyat keçirilib.
Stopnarkotik.az bu barədə yerli mediaya istinadən xəbər verir.
Məlumata görə, eyni vaxtda bir neçə ünvana edilən basqın zamanı 2 kilo 700 qram kokain, 30 min ekstazi həbi, 1500 ədəd Hind keneviri bitkisi, 2 kilo 300 qram sintetik kannabinoid xammalı və digər narkotik maddələr, həmçinin 3 silah, 180 min TL nağd pul vəsaiti müsadirə olunub.
Əməliyyat nəticəsində 41 nəfər saxlanılıb. Onlardan 34-ü barəsində həbs qərarı verilib, 4 nəfər isə məhkəmə nəzarətində azadlığa buraxılıb.