Xəbər verdiyimiz kimi, tanınmış vəkil Bəhruz Bayramovun mənzili qarət edilib.
DİN-in Mətbuat Xidmətinin əməkdaşı Elbrus İbrahimov bildirib ki, araşdırma aparılır.
Nəticəsi barədə məlumat veriləcək.
***10:41
Tanınmış vəkil Bəhruz Bayramovun mənzili qarət olunub.
Stopnarkotik.az xəbər verir ki, bu barədə Gununsesi.info-ya vəkilin özü deyib.
Bəhruz Bayramovun sözlərinə görə, Bakının Binəqədi Rayonu Rəsulzadə qəsəbəsindəki həyət evinə girən oğrular əsas əşyaları aparıblar: ”Televizor, xalçalar, kombi, qab-qacaqlar, bahalı suvenerlər və sair məişət əşyalarını aparıblar. Mənə ən çox təsir edən mərhum anamın yadigarı olan qədimi xalça idi”.
Bəhruz Bayramov bildirib ki, hadisə yerinə polis çağırılıb: ”İki saata yaxın araşdırma apardılar. Ekspert də gəlmişdi, əl-ayaq izləri götürdülər. İstintaq hərəkətləri apardılar. İnanıram ki, polis bu cinayətin üstünü açacaq”.
