Sosial şəbəkələrdə sürücüləri yol hərəkəti qaydalarını pozmağa və avtoxuliqanlığa təhrik edən, həmçinin özü də bu davranışları həyata keçirən Xosrov Bebek oğlu Moslemi Binəqədi Rayon Polis İdarəsinin (RPİ) Dövlət Yol Polisi (DYP) Şöbəsinin əməkdaşları tərəfindən saxlanılıb.
Stopnarkotik.az "Qafqazinfo"ya istinadən xəbər verir ki, Xosrov Mosleminin avtoxuliqan davranışları və yol hərəkəti qaydalarını pozması nəticəsində, İnzibati Xətalar Məcəlləsinin müvafiq maddələri əsasında inzibati protokol tərtib edilib və məsələyə baxılması üçün məhkəməyə göndərilib.
Məhkəmənin qərarı ilə Xosrov Bebek oğlu Moslemi inzibati qaydada həbs edilib.
Qeyd edək ki, o, həmçinin avtobloqer kimi fəaliyyət göstərib, sifarişlə ölkəyə avtomobillərin gətirilməsini təmin edib və avtomobillərə qulluq sahəsində şəxsi biznesi olub.