HƏMAS terrorçuları İsrailə hücum zamanı narkotik maddələrin təsiri altında olublar.
Stopnarkotik.az bizim.media-ya istinadən xəbər verir ki, bu barədə “The Jerusalem Post” nəşri iddia edib.
Qeyd edilib ki, oktyabrın 7-də İsrailə qəfil hücumu həyata keçirən Həmas terrorçuları Cənubi Avropada gizli şəkildə istehsal edilən və Türkiyə vasitəsilə Ərəbistan yarımadasındakı istehlak bazarlarına satılan sintetik amfetamin tipli stimullaşdırıcı “Kaptaqon”un təsiri altında olublar.
İddiaya görə, İsrail torpaqlarında həlak olan bir çox terrorçunun cibindən məhz həmin dərmanlardan aşkarlanıb.
Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib.
Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.