Kiprdə İran İslam İnqilabı Keşikçiləri Korpusu (SEPAH) silahlılarının israilli turistlərə qarşı planlaşdırdığı terror aktının qarşısı alınıb.
Stopnarkotik.az xəbər verir ki, bu barədə İsrailin rusdilli “Vesti” qəzetinin saytı məlumat yayıb.
Qeyd olunur ki, gözlənilən terror aktı ilə bağlı məlumat İsrail və ABŞ-dan daxil olub. Yerli təhlükəsizlik xidmətləri xarici həmkarları ilə birgə keçirdiyi əməliyyat nəticəsində şübhəliləri həbs edib.
Bu, son 2 ildə ikinci dəfədir ki, Kiprdə israillilərə qarşı terror aktının qarşısı alınır. 2022-ci il noyabrın 6-da adada israilliləri qətlə yetirməli olan SEPAH-ın rəhbərliyi altında fəaliyyət göstərən azərbaycanlı saxlanılmışdı.
Stopnarkotik.az