ABŞ istehsalı "HIMARS" yaylım atəşli reaktiv sisteminin daha bir buraxılış qurğusu Rusiya Silahlı Qüvvələri tərəfindən sıradan çıxarılıb.
Bu barədə görüntülər sosial şəbəkədə yayılıb.
Məlumata görə, bu qurğu uzaq mənzilli "ATACMS" raketlərini daşımaq potensialına malik idi və Ukrayna Silahlı Qüvvələrinin istifadəsinə verilmişdi.
Qeyd edək ki, Rusiya ərazisini vurmaq üçün nəzərdə tutulan "HIMARS" yaylım atəşli reaktiv sistemi "Lancet" kamikadze dronu ilə vurulub.
"HIMARS" və "ATACMS"-ın əhəmiyyəti
HIMARS yaylım atəşli reaktiv sistemləri ABŞ tərəfindən Ukraynaya tədarük edilən ən güclü artilleriya vasitələrindən biridir. Bu sistemlər dəqiqliyi və uzun mənzilli zərbələr endirmək qabiliyyəti ilə döyüş meydanında əhəmiyyətli rol oynayır. "ATACMS" raketləri isə "HIMARS" üçün xüsusi olaraq nəzərdə tutulmuş uzaq mənzilli raketlərdir və 300 km-ə qədər məsafədəki hədəfləri vurmaq imkanına malikdir. Bu səbəbdən "HIMARS" qurğusunun məhv edilməsi Ukrayna ordusunun uzaq mənzilli hücum imkanlarını zəiflətmək məqsədi daşıyır.
"The New York Times" qəzeti yazıb ki, ABŞ Prezidenti Cozef Bayden Birləşmiş Ştatların uzaqmənzilli silahları ilə Rusiya Federasiyasının ərazisinə zərbələr endirməyə icazə verib. Qeyd edilir ki, bu qərar Vaşinqtonda hakimiyyətin dəyişməsindən cəmi iki ay əvvəl qəbul edilib və ABŞ siyasətində ciddi dəyişiklik olub./Baku.ws