Son 24 saat ərzində Gürcüstanda narkotik cinayətlərində ittiham olunaraq 34 nəfər saxlanılıb.
Stopnarkotik.az xəbər verir ki, Gürcüstanın daxili işlər nazirinin müavini Aleksandr Daraxvelidze bu barədə brifinqdə bildirib.
"Hüquq-mühafizə orqanlarının əməkdaşları Tiflisdə və regionlarda növbəti uğurlu əməliyyat keçiriblər. Saxlanılanların əksəriyyəti iri narkotik alverçiləridir, bəziləri isə qeyri-qanuni yollarla xüsusilə böyük miqdarda narkotik əldə etməkdə və saxlamaqda ittiham olunurlar. Saxlanılanlar arasında həm Gürcüstan vətəndaşları, həm də əcnəbilər var", - Daraxvelidze bildirib.
Saxlanılan şəxslərin evlərinə baxış zamanı aşağıdakı narkotik vasitələr: fentanil, heroin, metadon, suboksin və marixuana götürülüb. Həbs olunanları 20 ilə qədər həbs və ya ömürlük həbs gözləyir.
Stopnarkotik.az