Naxçıvanda 6 nəfərin öldüyü yol qəzası ilə bağlı cinayət işi başlanılıb.
Naxçıvan Daxili İşlər Nazirliyinin İstintaq və Təhqiqat İdarəsində faktla bağlı Cinayət Məcəlləsinin 263.3-cü (yol istismar qaydalarını pozma, iki və daha şəxsin ölümünə səbəb olma) maddəsi ilə cinayət işi açılıb və müəyyən ekspertizalar təyin edilib.
Naxçıvan Daxili İşlər Nazirliyinin mətbuat xidmətindən faktı təsdiqləyiblər.
Qeyd edək ki, hadisə ötən gün gecə saatlarında Kəngərli rayonun Kərki və Böyükdüz kəndləri arasında baş verib.
71-BC-377 dövlət nömrə nişanlı "Hyundai" markalı avtomobillə 74-BB-744 dövlət nömrə nişanlı "Wolswagen" markalı nəqliyyat vasitəsinin toqquşması nəticəsində biri uşaq olmaqla, 6 nəfər ölüb.
***10:59
Naxçıvanın Kəngərli rayonunda baş verən qəza zamanı ölən 6 nəfərdən 5-nin kimliyi məlum olub.
Ölən şəxslər aşağıdakılardır:
1960-ci il təvəllüdlü Cəfərova Sahiyə Əsəd qızı, 1973-cü il təvəllüdlü Sultanov Xanlar Şəmil oğlu, 1996-cı il təvəllüdlü Oruclu Amil Akif oğlu, 2000-ci il təvəllüdlü Əlizadə Hikmət Rövşən oğlu və 2020-ci il təvəllüdlü Əlisultanov Fateh Fariz oğlu.
***10:50
Naxçıvanın Kəngərli rayonunda baş verən ağır yol qəzasında ölənlərin sayı artıb.
Stopnarkotik.az apa-ya istinadən xəbər verir ki, qəza zamanı ölənlərin sayı 6-ya çatıb. Xəsarət alan 4 nəfərin vəziyyəti isə ağır olaraq qalır.
Qeyd edək ki, gecə saatlarında Kəngərli rayonunda yol-nəqliyyat hadisəsi qeydə alınıb. Qəza rayonun Kərki və Böyükdüz kəndləri arasında baş verib. Belə ki, 71-BC-377 dövlət nömrə nişanlı "Hyundai" markalı avtomobillə 74-BB-744 dövlət nömrə nişanlı "Wolswagen" markalı avtomobil toqquşub. Hər iki avtomobildə olanların toy məclisindən qayıtdığı bildirilir.
Hadisə yerinə hüquq mühafizə orqanlari və Naxçıvan Muxtar Respublikası Fövqəladə Hallar Nazirliyinin əməkdaşları cəlb ediliblər.
Yaralılar Naxçıvan Muxtar Respublika Xəstəxanasına yerləşdiriliblər.
Faktla bağlı araşdırma aparılır.
***08:54
Naxçıvan Muxtar Respublikasının Kəngərli rayonunun Yeni Kərki kəndində ağır yol-nəqliyyat hadisəsi baş verib.
Stopnarkotik.az xəbər verir ki, iki avtomobilin toqquşması nəticəsində 5 nəfər dünyasını dəyişib.
Qəza zamanı habelə avtomobillərdə olan bir neçə sərnişin ağır xəsarətlər alıb.
Yaralılar Naxçıvan şəhər Mərkəzi Xəstəxanasına yerləşdirilib.
Qəzanın səbəbi, ölən və yaralıların kimliyi müəyyənləşdirilir./report
.jpg)