Türkiyənin İstanbul şəhərində narkotik əməliyyatı keçirilib. Nəticədə 71 nəfər saxlanılıb.
Əməliyyat zamanı polis qrupları axtarış aparmaq üçün 4 mərtəbəli yaşayış binalarından birinə gəlib. Lakin polis qrupları axtarışda olan şübhəlini mənzildə tapa bilməyib və şübhəlinin anasına oğlunu evə çağırmasını bildirib.
Ana oğluna telefonla zəng edib, “Oğlum, evə gəl, dostun səni soruşur” deyib. Polis qrupları şübhəli evə gələnə qədər gözləyib və o, saxlanılıb.
Şübhəli şəxs evə gətirilərkən anasının reaksiyası kameraya düşüb. Şübhəli əli qandallı halda yerdə ikən anası otağa daxil olub. Oğlunu danlayaraq “Nəhayət, rahatlaşdınmı?” deyib.