Əməkdar artist Cavanşir Məmmədovla bağlı bu gün saat 12:03-də Respublika Təcili və Təxirəsalınmaz Tibbi Yardım Mərkəzinə çağırış daxil olub.
Bu barədə Stopnarkotik.az-a TƏBİB-dən bildirilib.
Qeyd olunub ki, təcili yardım briqadası çağırış ünvanına cəlb olunub.
Ünvanda həkiməqədər ölüm qeydə alınıb.
***12:58
Əməkdar artist Cavanşir Məmmədov dünyasını dəyişib.
Stopnarkotik.az Axşam.az-a istinadən məlumatına görə, müğənni bu gün 70 yaşında qəfil ürəktutmadan vəfat edib.
Xəbəri sayta onun duet ortağı Firuzə İbadova təsdiqləyib.
Qeyd edək ki, Cavanşir Məmmədov 1954-cü ildə musiqiçi ailəsində anadan olub. O, sənətə gəldiyi ilk vaxtlarda qarmon ifaçısı olsa da, sonradan müğənnilik etməyə başlayıb.
C.Məmmədov 2005-ci ildə “Əməkdar artist” fəxri adına layiq görülüb.