Türkiyədə İstanbul Bələdiyyə sədri Əkrəm İmamoğlunun saxlanılması ilə əlaqədar etiraz aksiyaları başlayıb.
Stopnarkotik.az yerli mediaya istinadən xəbər verir ki, Cümhuriyyət Xalq Partiyasının çağırışı ilə ölkənin dörd bir yanında protestlərə start verilib.
Məlumata görə, aksiyalar əsasən CHP-li bələdiyyə sədrlərinin olduğu böyük şəhərlərdə, o cümlədən Rize, Manisa, Sinop və s. yerlərdə keçirilir.
Qeyd edək ki, bu gün səhər saatlarında İstanbul prokurorluğunun qərarı ilə şəhər meri Əkrəm İmamoğlu saxlanılıb və evində axtarışlar aparılıb.
