Hacıqabul Rayon Polis Şöbəsinin əməkdaşları qarşıdan gələn Dünya Azərbaycanlılarının Həmrəyliyi Günü və Yeni İl bayramı ərəfəsində Vətən müharibəsi şəhidlərinin ailələrini ziyarət ediblər.
Stopnarkotik.az xəbər verir ki, 27 ailənin qonağı olan şöbə əməkdaşları torpaqlarımızın azadlığı uğrunda döyüşərək şəhidlik zirvəsinə ucalan oğullarımızın ailələrinin qayğıları ilə maraqlanıblar.
Görüşlərdə dövlətimiz tərəfindən şəhid ailələrinə göstərilən diqqət və qayğıdan, qəhrəman oğullarımızın igidlik salnamələrindən danışılıb, ailələrə sovqatlar təqdim edilib.
Şəhidlərin ailə üzvləri diqqətə görə polis əməkdaşlarına təşəkkürlərini bildiriblər.
Stopnarkotik.az
