İqlim dəyişikliyi və şirin su çatışmazlığının artması yeni genişmiqyaslı münaqişələrə səbəb ola bilər. Bu barədə “Ecoticias” ekoloji portalı xəbərdarlıq edir.
Stopnarkotik.az-ın verdiyi xəbərə görə, nəşr dünyanın quraq bölgələrində su qıtlığının ölkələr arasında rəqabəti gücləndirdiyini, sosial və iqtisadi inkişafı təhlükə altına aldığını yazır.
Yağıntıların paylanması dəyişir: yağışlı rayonlar daşqınlardan, quraq rayonlar isə uzun sürən quraqlıqdan əziyyət çəkir. Qlobal temperaturun artması su anbarlarında və buzlaqlarda suyun miqdarını azaldır.
Avropa Komissiyasının məlumatına görə, dünyada 300-ə yaxın ərazi su münaqişəsi riski altındadır. Ən həssas ölkələr Misir və Efiopiya (Nil), Hindistan və Pakistan (Hind), Hindistan və Banqladeş (Qanq), həmçinin Türkiyə, Suriya və İraq (Dəclə və Fərat) kimi böyük çay hövzələri ilə ayrılan ölkələrdir.
Eyni zamanda, planetdəki bütün suyun yalnız 2,5% -i içmək üçün yararlıdır və bunun əhəmiyyətli bir hissəsi buzlaqlardadır. Əhalinin artması və suya artan tələbat su böhranını getdikcə daha genişmiqyaslı və ciddi problemə çevirir.
Stopnarkotik.az