Ölüm xəbəri yayılan Fətullahçı Terror Təşkilatının (FETÖ) lideri Fətullah Gülənin harada dəfn olunacağı açıqlanıb.
Təşkilatın keçmiş kəşfiyyat hesabatlarına əsasən Gülən Pensilvaniyada dəfn olunacaq.
Belə ki, Fətullah Güləndən ümidini kəsən təşkilat rəhbərlərinin 2015-ci ildə Pensilvaniyada FETÖ-nün iqamətgahından 5 kilometr aralıda torpaq sahəsi aldıqları iddia edilir.
Təşkilat həmin ərazini qəbiristanlığa çevirərək, "qürbətçi məzarlıq" adlandırıb. ABŞ-da dünyasını dəyişən təşkilat üzvləri burada dəfn edilir.
Həmin ərazidə Fətullah Gülən üçün də məzar yeri hazırlanıb. Məlumata görə, onun üçün nəzərdə tutulan yer iki sərv ağacının arasında yerləşir.
***
ABŞ-da yaşayan türkiyəli din xadimi Fətullah Gülənin ölüm xəbəri yayılıb.
Stopnarkotik.az xəbər verir ki, bu barədə Fətullah Gülənə yaxın sosial media hesablarından bildirilib.
Onun dünən yerləşdirildiyi xəstəxanada öldüyü vurğulanıb.
