Xəzər rayonu ərazisində yerləşən çimərliklərin birində “Vaz 2107” avromobili ilə avtoxuliqanlıq edən sürücü saxlanılıb.
Bakı Şəhər Dövlət Yol Polisi (DYP) İdarəsinin baş inspektoru Araz Əsgərli bildirib ki, həmin şəxsin Lənkəran şəhər sakini 21 yaşlı Heydərzadə Rəşad Rövşən oğlu olduğu müəyyən edilib.
R. Heydərzadə polis əməkdaşları tərəfindən saxlanılıb. Onun barəsində İnzibati Xətalar Məcəlləsinin 511.1.3 ( xuliqanlıq) maddəsi ilə protokol tərtib olunub.
***15:54
Xəzər sahilindəki çimərliklərin birində təhlükəli anlar yaşanıb.
Bununla bağlı sosial şəbəkələrdə yayılan görüntülərdə bir nəfərin ağ rəngli VAZ avtomobili ilə insanların istirahət etdikləri məkanda avtoxuliqanlıq etdiyi əks olunub.
Daxili İşlər Nazirliyinin Mətbuat Xidmətindən bildirilib ki, məsələ ilə bağlı araşdırma aparılır:
“Görüntülərdən məlumatlıyıq. Araşdırma aparılır. Nəticəsi barədə məlumat veriləcək”.