"Koroğlu" metrostansiyası yaxınlığındakı körpüdən özünü atmaq istəyən şəxs xilas edilib.
Stopnarkotik.az xəbər verir ki, bu barədə Fövqəladə Hallar Nazirliyindən bildirilib.
Qeyd olunub ki, xilasedicilər tərəfindən intihara cəhd edən şəxslə ünsiyyət qurulub və davamlı psixoloji söhbət aparılıb. Bu müddət ərzində xilasedici qrup tərəfindən ərazidə müvafiq təhlükəsizlik tədbirləri görülüb.
Xilasedicilərin vətəndaşla apardığı psixoloji söhbət nəticəsində intihar etmək niyyətindən çəkinib və o, xilas edilərək aidiyyəti üzrə təhvil verilib.
***09:56
Bakıda intihara cəhd hadisəsi olub.
Ad soyadı bilinməyən bir nəfər “Koroğlu” stansiyası yaxınlığındakı asma körpüyə çıxaraq özünü atmaq istəyib.
Hadisə ilə əlaqədar əraziyə polis əməkdaşları və FHN-in Xüsusi Riskli Xilasetmə Xidmətinin xilasediciləri cəlb olunublar.