Məlum olduğu kimi, ötən gün “Azərsun Holding”in prezidenti, “Qarabağ”ın fəxri prezidenti Abdolbari Gozal vəfat edib.
“Qafqazinfo”nun əldə etdiyi məlumata görə, 76 yaşında Dubayda dünyasını dəyişən tanınmış iş adamının dəfn mərasimi də elə bu şəhərdə təşkil olunacaq. Mərhumun dəfn mərasimi bu gün sübh namazından sonraya planlaşdırılıb.
Abdolbari Gozalin Bakıda da yas mərasimləri nəzərdə tutulub.
Qeyd edək ki, Gozal ailəsi Bakı ilə yanaşı, Dubayda da yaşayır.
***
Tanınmış iş adamı, “Azərsun Holding”in prezidenti, “Qarabağ”ın fəxri prezidenti Abdolbari Gozal vəfat etdi. İş adamının bir saat öncə Dubayda vəfat etdiyi bildirilir.
Stopnarkotik.az xəbər verir ki, bu barədə şirkətdən bildirilib
“Dərin hüznlə bildirmək istəyirik ki, Azərbaycan iqtisadiyyatının inkişafına verdiyi mühüm töhfələrə görə ölkə başçısı tərəfindən "Şöhrət" ordeni, "Tərəqqi" medalı, onlarla yerli və qlobal mükafatla təltif edilən xeyriyyəçi iş adamı, "Azersun Holding"in qurucusu Abdolbari Gozal vəfat edib”, - “Azersun Holding”in yaydığı məlumatda deyilir.
Xatırladaq ki, Abdolbari Gozal 1949-cu ildə İranın Maku şəhərində anadan olub. 1997-ci ildə "Azersun Holding"i yaradıb. O, həm də “Qarabağ” futbol klubunun fəxri prezidenti idi.