6 il həbs cəzası verilən futbolçu İSLAMI QƏBUL ETDİ - VİDEO

Moskvanın "Spartak" klubunun keçmiş futbolçusu Kuinsi Promes islamı qəbul edib .

"Gazeta.Ru" xəbər verir ki, futbolçu bu qərarı Moskva klubu futbolçunun BƏƏ-ni tərk edə bilmədiyi üçün müqaviləni yeniləməkdən imtina etməsindən sonra verib.

Promes məscidə gələrək şəhadət oxuyub və bunu digər müsəlmanlar onu tanısın deyə şahidlər qarşısında deyib.

Promesin "Spartak"la müqaviləsi 2024-cü il iyunun 30-da başa çatıb. Klub onunla əmək müqaviləsini yeniləməyib. Sentyabrın 5-də Promes rəsmi olaraq BƏƏ İkinci Liqasında çıxış edən "Dubay Yunayted"in oyunçusu olub.

Keçən il fevralın 14-də Amsterdam məhkəməsi Promesi kokain qaçaqmalçılığına görə 6 il həbs cəzasına məhkum edib. Fevralın 16-da niderlandlı beynəlxalq axtarışa verilib. Oyunçunun ailə məclisi zamanı əmisi oğlunu bıçaqladığına görə də həbs cəzası var (1.5 il)./oxu.az