Türkiyənin İstanbul, Diyarbəkir, Əskişəhər, Dənizli, Mersin, Bolu, Kırklareli, Şanlıurfa, Manisa və Biləcik şəhərlərində həyata keçirilən əməliyyatlarda 265 narkotik satıcısı yaxalanıb.
Stopnarkotik.az yerli mediaya istinadən xəbər verir ki, DİN rəhbəri Əli Yerlikaya 10 şəhərdə həyata keçirilən əməliyyatın təfərrüatlarını açıqlayıb. Onun sözlərinə görə, İstanbul Polis İdarəsi (Narkotik Suçlarla Mübarizə Şöbəsi) tərəfindən təşkil edilən əməliyyatlarda 158 kiloqram müxtəlif növ narkotik vasitə və 125 min narkotik həb ələ keçirilib.
Diyarbakır Jandarma Komandanlığı isə şəhid jandarma mütəxəssisi Çavuş Nuri Akdemirin xatirəsinə həsr olunan daha bir əməliyyatı keçirib. Əməliyyatda 715 kiloqram toz halına salınan marixuana, 964 kiloqram marixuana və 6 milyon 338 min 410 ədəd çətənə kolu ələ keçirilib. Eskişehir Polis İdarəsinin (Narkotik Cinayətlərlə Mübarizə Şöbəsi) təşkil etdiyi əməliyyatda 6,5 kiloqram bitki mənşəli marixuana aşkar olunub, 2 şübhəli şəxs yaxalanıb.
Dənizli Jandarma Komandanlığı tərəfindən həyata keçirilən əməliyyatda isə 3,5 kiloqram marixuana ələ keçirilib, 1 şübhəli şəxs tutulub.
Mersin Jandarma Komandanlığı tərəfindən həyata keçirilən əməliyyatda 1,5 kiloqram sintetik narkotik vasitə və 1,5 kiloqram bitki mənşəli narkotik ələ keçirilib, 7 şübhəli şəxs yaxalanıb.
Bolu Polis İdarəsi (Narkotik Suçlarla Mübarizə Şöbəsi) tərəfindən təşkil edilən əməliyyatda 58 kiloqram sintetik narkotik müsadirə edilib, 1 şübhəli şəxs tutulub.
Kırklareli Polis İdarəsi tərəfindən təşkil edilən əməliyyatda 103 kiloqram marixuana ələ keçirilib, 3 şübhəli şəxs yaxalanıb.
Manisa Polis İdarəsi tərəfindən keçirilən əməliyyatda da müxtəlif miqdarda narkotik maddə ələ keçirilib, 2 nəfər saxlanılıb.
Biləcik Polis İdarəsi tərəfindən müxtəlif miqdarda narkotik maddə ələ keçirilib, 4 şübhəli şəxs yaxalanıb.
Daxili İşlər Naziri Ali Yerlikaya, “Əməliyyatı təşkil edən qəhrəman polisimizi və qəhrəman jandarmamızı təbrik edirəm. Zəhər satıcılarına qarşı mübarizəmiz qətiyyətlə davam edəcək. Biz hər an onların izindəyik, gözümüz onların üstündədir”, - deyə fikrini ifadə edib.
Stopnarkotik.az