Şirvanda 60 yaşli kişi qətlə yetirilib.
Stopnarkotik.az Xezerxeber.az-a istinadən xəbər verir ki, hadisə rayonun Çılpaqlı qəsəbəsində qeydə alınıb.
Şirvan sakini, 51 yaşlı Elşən İslamov mübahisə zəminində qonşusu, 60 yaşlı Yavər Bağırovun işlətdiyi mağazaya gəlib. Onlar arasında mübahisə getdikcə qızışıb. Elşən İslamov Yavər Bağırovu boğazından bıçaqlayıb.
Şirvan şəhər Prokurorluğundan verilən məlumata görə, Elşən İslamovun aralarında yaranmış mübahisə zamanı tanışı Yavər Bağırova bıçaqla xəsarət yetirməklə onu qəsdən öldürməsinə əsaslı şübhələr müəyyən edilib. Qonşuların iddiasına görə, onlar arasında mübahisə torpaq üstündə olub.
Faktla bağlı Cinayət Məcəlləsinin 120.1-ci-qəsdən adam öldürmə maddəsi ilə cinayət işi başlanıb. Elşən İslamov şübhəli şəxs qismində tutulub. Hazırda ibtidai istintaq davam edir.
