Daxili İşlər Nazirliyi Bakıda gecə klubunda baş verən hadisə ilə bağlı məlumat yayıb.
Nazirliyin mətbuat xidmətinin əməkdaşı, polis baş leytenantı Nurlan Əliyev bildirib ki, hadisə ilə bağlı Nizami RPİ-də Cinayət Məcəlləsinin müvafiq maddəsilə cinayət işi açılıb. Hadisəni törətməkdə şübhəli bilinən şəxs saxlanılıb. Araşdırmalar davam etdirilir.
***09:21
Gecə saatlarında Bakıda klubda bıçaqlanma olub.
Stopnarkotik.az xəbər verir ki, hadisə Qara Qarayev prospektində yerləşən “Palermo” gecə klubunda qeydə alınıb.
Dava-dalaş zamanı 1995-ci il təvəllüdlü Bahar Məmmədova (şərti) kürək nahiyəsindən bıçaqlanıb. 28 yaşlı qız Sabunçu Tibb Mərkəzinə yerləşdirilib.
İlkin araşdırmalar zamanı hadisənin 2000-ci il təvəllüdlü C.Əliyev tərəfindən törədilməsi məlum olub.
Faktla bağlı cinayət işi açılıb, araşdırma aparılır.
