Bakıda taksi sürücüsünə qarşı soyğunçuluq edilib.
Daxili İşlər Nazirliyindən Stopnarkotik.az-a verilən məlumata görə, oktyabrın 3-də gecə saatlarında Sabunçu qəsəbəsi ərazisində “Opel” markalı avtomobildə sürücünün pulu soyğunçuluq yolu ilə əlindən alınıb.
Sabunçu rayon Polis İdarəsinin 12-ci Polis Şöbəsi əməkdaşlarının keçirdikləri əməliyyat tədbiri nəticəsində hadisədə şübhəli bilinən Masallı rayon sakini, əvvəllər məhkum olunmuş H.Əhmədzadə saxlanılıb.
Araşdırma aparılır.
