Türkiyənin Beynəlxalq Polis Təşkilatı (İnterpol) xətti ilə axtardığı iki nəfər Kosovo polisi tərəfindən saxlanılıb.
Stopnarkotik.az xəbər verir ki, Kosovo polisindən verilən açıqlamada Türkiyənin qırmızı bülletenlə axtardığı iki türk vətəndaşının "FAST-Kosovo Qaçaqları Aktiv Axtarış Birimi" tərəfindən bu gün iki fərqli vilayətdə həyata keçirilən əməliyyatlarda ələ keçirildiyi bildirilib.
Bəyanatda aşağıdakı ifadələr yer alıb:
“Birinci halda, FAST bölməsi ilə Viti Polis Bölməsinin əməkdaşlığı nəticəsində narkotik vasitələrin qanunsuz dövriyyəsinə görə Türkiyə dövlət orqanları adından İnterpol xətti ilə axtarışda olan və 22 il 6 ay müddətinə azadlıqdan məhrum edilmiş Türkiyə vətəndaşı 1960-cı il təvəllüdlü M.K. saxlanılıb. İkinci halda FAST bölməsi və Priştina Mərkəzi Polis İdarəsi Türkiyə dövlət orqanları ilə İnterpol arasında Türkiyə dövlət orqanları adından əməkdaşlıq nəticəsində Türkiyə vətəndaşı olan İ.K. 1983-cü ildə soyğunçuluqdan axtarılan və 10 ay həbs cəzası alan şəxs nəzarətə alınıb.
Açıqlamada, tutulan iki şəxs üçün 48 saatlıq həbs müddəti verildiyi, bu şəxslərin hüquqi proses başa çatdıqdan sonra Türkiyəyə ekstradisiyasının gözlənildiyi bildirilib.
Türkiyənin İnterpol xətti ilə axtardığı daha 3 nəfər ötən ilin sentyabr, oktyabr və dekabr aylarında Kosovoda yaxalanıb./unikal