"Ən-Nəsr"in ulduz futbolçusu Kriştianu Ronaldo komanda dəyişmək qərarına gəlib.
Portuqaliyalı forvard müqaviləsi 2025-ci ilin yayında başa çatacaq "Ən-Nəsr"dən ayrılaraq azad agent kimi Səudiyyə Ərəbistanının digər klubu "Əl-Hilal"a keçə bilər.
Ronaldo bu addımı Lionel Messi ilə son dəfə üz-üzə gəlmək üçün atmağı düşünür. Beləliklə, yayda keçiriləcək və Messi ilə görüş ehtimalı olan klublararası dünya çempionatında iştirak edə bilər.
Bundan əlavə, "Əl-Hilal"ın qrup mərhələsində Ronaldonun keçmiş komandası "Real Madrid"lə qarşılaşmaq ehtimalı da diqqət çəkir.