Bu gün saat 03:30 radələrində Quba rayonunun Nügədi kəndi ərazisində ağır yol-nəqliyyat hadisəsi baş verib.
Belə ki, Nəsirov Nihad Ayaz oğlunun idarə etdiyi “Hyundai” markalı, 50-DB-152 dövlət qeydiyyat nişanlı nəqliyyat vasitəsi yolun hərəkət hissəsindən çıxaraq aşıb.
Qəza nəticəsində avtomobildə olan sərnişin Səfərli İnci Elman qızı həyatını itirib, sürücü və digər sərnişin İlham Salayev isə xəsarət alıb.
Hazırda faktla bağlı araşdırma aparılır.
***
“Qafqazinfo”nun əldə etdiyi məlumata görə, 23 yaşlı İ.Səfərli Rustov kəndinə qonaq gəlibmiş.
Onu qaçıran iki nəfərdən biri ilə qızın sevgi münasibətinin olduğu bildirilir. Üçüncü şəxs isə oğlanın dostu olub.
İlkin məlumata görə, qəza İ. Səfərlinin qohumları onun getməsinə etiraz edərək avtomobili təqib edərkən baş verib.
Faktla bağlı araşdırma aparılır.