Polis itləri Almaniyaya gedən banan konteynerində gizlədilən 6 tondan çox kokaini iyləyərək tapmağa kömək ediblər.
Stopnarkotik.az xəbər verir ki, polis Posorja limanında banan ixracı konteynerlərində müntəzəm yoxlama apararkən, iy bilən itlər narkotik maddələrin olması barədə siqnal verib. Polis əməkdaşları qabları açıb və meyvənin altında gizlədilmiş 5630 ədəd kərpic şəkilli bağlama aşkar ediblər ki, bu da ümumilikdə 6,23 ton kokain olub.
Rəsmilər yükün Almaniyaya göndərildiyini və bazar dəyərinin 224 milyon dollar olduğunu bildiriblər. Tapıntıdan sonra 5 nəfər həbs edilib.
Stopnarkotik.az