Türkiyənin Ticarət Nazirliyinin Gömrük Mühafizə qrupları tərəfindən Mersin Limanında həyata keçirilən əməliyyat zamanı 120 milyon lirə dəyərində 77 kiloqram kokain ələ keçirilib və 2 şübhəli saxlanılıb.
Stopnarkotik.az xəbər verir ki, nazirlikdən verilən məlumata görə, Mersin Gömrük Mühafizəsi Qaçaqmalçılıq və Kəşfiyyat Müdirliyi qrupları tərəfindən aparılan narkotik risk analizləri çərçivəsində Mərkəzi və Cənubi Amerika ölkələrindən Mersin limanına gələn konteynerlər yoxlanılıb.
Araşdırma nəticəsində banan yüklü konteyner şübhəli hesab edilərək təqib edilib. Konteynerdə şübhəli sıxlığın təsbit edilməsi səbəbindən Gömrük Mühafizə qrupları rentgen taramasına göndərilərək, konteyner ətraflı nəzarət edilmək üzrə axtarış anqarına aparılıb.
Gömrük Mühafizəsi qrupları tərəfindən narkotik tapan itlər ilə aparılan ətraflı axtarış zamanı konteynerin ön hissəsindəki gizli bölmədə gizlədilən 77 kiloqram kokain aşkar edilərək götürülüb. 2 şübhəli nəzarətə alınarkən, dəyəri 120 milyon lirə olan narkotiklərlə bağlı Mersin Respublika Prokurorluğu tərəfindən istintaq başladılıb.
Stopnarkotik.az
