İstanbulda 16 mərtəbəli binanın alt mərtəbəsində yerləşən gecə klubunda yanğın baş verib.
Stopnarkotik.az xəbər verir ki, bu barədə NTV məlumat yayıb.
Hadisədə 27 nəfər həyatını itirib, 1 nəfər yaralanıb.
***16:57
Türkiyədə İstanbul vilayətinin Şişli rayonunda 16 mərtəbəli binada yanğın nəticəsində ölənlərin sayı 15-ə çatıb.
Stopnarkotik.az xəbər verir ki, məlumatı “TRT Haber” yayıb.
Məlumata görə, 7-si ağır olmaqla 8 nəfər yaralanıb.
İstanbul valiliyi hadisə ilə bağlı araşdırma başladıb.
Qeyd edilib ki, binada yerləşən klubda aparılan təmir işləri zamanı yanğın baş verib. Ölən və yaralananların oranın işçiləri olduğu bildirilir.
***16:41
Türkiyənin İstanbul şəhərində yanğın olub.
Stopnarkotik.az yerli KİV-ə istinadən xəbər verir ki, hadisə Beşiktaş rayonunda qeydə alınıb.
16 mərtəbəli binanın zirzəmisində baş verən yanğında 12 nəfər həyatını itirib. 7-si ağır vəziyyətdə olan daha 11 nəfər isə yaralanıb
İstanbul valiliyi hadisə ilə bağlı araşdırmalar başladığını açıqlayıb. Bildirilib ki, yanğın söndürülüb.
Hazırda müvafiq addımlar atılır.