İran ordusu ölkənin böyük bir hissəsini əhatə edən genişmiqyaslı pilotsuz uçuş aparatları (PUA) təliminə başlayıb.
Stopnarkotik.az xəbər verir ki, İran dövlət televiziyasının məlumatına görə, təlimin komandiri kontr-admiral Həbibullah Seyyari mətbuata açıqlamasında “1402 Ordu İHA” adlı təlimin səhər saatlarında başladığını və 2 gün davam edəcəyini bildirib.
Təlimin Fars körfəzi və ölkənin böyük bir hissəsini əhatə etdiyini bildirən Seyyari, "Bu təlimdə orduya aid çoxlu sayda pilotsuz uçuş aparatı xüsusi və çətin şərtlərdə istifadə ediləcək. Onların müşahidə və kəşfiyyat, elektron və döyüşlərdəki tutumları qiymətləndiriləcək",-deyə qeyd edib.
İranlı komandir qeyd edib ki, təlimdə müxtəlif tipli PUA-lardan istifadə olunub.
Digər tərəfdən təlim zamanı “Kaman 19” adlı yeni PUA da təqdim edilib.
Yeni PUA ilk dəfə fəaliyyətə başlayıb və təlimdə elektron döyüş tədbirlərini uğurla yerinə yetirib.