Göygöldə 2 nəfərin xəsarət alması ilə nəticələnən yol qəzası olub.
Stopnarkotik.az xəbər verir ki, hadisə Bakı-Qazax-Gürcüstan magistral yolunun rayon ərazisindən keçən hissəsində baş verib. Belə ki, "Opel" markalı minik maşınının sürücüsü idarəetməni itirib. Nəticədə minik maşını yoldan çıxaraq aşıb. Avtomobildə olan 2 nəfər xəsarət alaraq xəstəxanaya aparılıb. Xəsarət alanlar 24 yaşlı E.Əzizov və 20 yaşlı C.Eyvazovdur.
Hadisə yerinə DYP əməkdaşları cəlb olunub.
Faktla bağlı Baş Dövlət Yol Polisi idarəsində araşdırma aparılır.
