1999-cu il oktyabrın 27-də Ermənistan parlamentində törədilən terror aktında əli olanların çoxu hələ də azadlıqdadır.
Stopnarkotik.az axar.az-a istinadən xəbər verir ki, bunu Ermənistanın keçmiş hərbi prokuroru Qagik Cangiryan deyib.
“Mənim üçün 27 oktyabr cinayətinin üstü açılıb, cinayət işinin materiallarında hər şey var. Hazırda ayrılmış hissə üzrə ibtidai istintaq bərpa olunub, aktiv mərhələ davam edir”, - o bildirib.
Sabiq prokuror bu cinayətə görə məsuliyyət daşıyan və azadlıqda gəzən şəxslərin adlarını açıqlamayıb.
Qeyd edək ki, 1999-cu il oktyabrın 27-də bir qrup silahlı şəxs Ermənistan parlamentinə soxulub. Silahlılar Baş nazir Vazgen Sərkisyanı, parlamentin spikeri Karen Dəmirçiyanı, həmçinin vitse-spikerlər Yuri Baxşyan və Ruben Miroyan, operativ işlər naziri Leonard Petrosyan, deputatlar Henrix Abramyan, Armenak Armenakyan və Mikael Kotanyanı qətlə yetiriblər.