“Ukrayna gecə saatlarında Kremlə pilotsuz uçuş aparatları ilə hücumun edilməsi barədə məlumata sahib deyil”.
Stopnarkotik.az “BBC Ukrayna”ya istinadən xəbər verir ki, bunu Ukrayna Prezidentinin sözçüsü Sergey Nikiforov deyib.
“Ukrayna Prezidenti Volodimir Zelenski dəfələrlə bildirib ki, Ukrayna sahib olduğu bütün güc və vasitələrini öz ərazilərinin azad olunmasına yönəldir, başqalarına hücum etmək üçün yox”, - deyə Nikiforov qeyd edib.
Xatırladaq ki, bu gecə Ukraynanın pilotsuz uçuş aparatları ilə Kremlə hücuma cəhd etməsi barədə məlumat və görüntülər yayılıb. Rusiyalı hərbçilər Kremlə yaxınlaşan iki PUA-nı zərərsizləşdirib. Hücum zamanı Rusiya Prezidenti Vladimir Putin iqamətgahında olmayıb.
