Türkiyənin DİN nazirliyinin Narkotik Cinayətləri ilə Mübarizə Departamentinin koordinasiyası altında 59 əyalətdə eyni vaxtda əməliyyat keçirilib.
Daxili İşlər Naziri Mustafa Çiftçinin şəxsən nəzarəti altında keçirilən və 59 əyaləti əhatə edən genişmiqyaslı əməliyyatda 2 ton 352 kiloqram narkotik maddə və 1 milyon 258 mindən çox narkotik həbi müsadirə edilib, 529 şübhəli saxlanılıb. Polisin əməliyyatından sonra şübhəlilərdən 129-u həbs olunaraq həbsxanaya göndərilib, 49 şübhəliyə məhkəmə nəzarəti tədbirləri tətbiq edilib. 5,8 milyon həbin küçələrə çatmasının qarşısı alınıb.
Qurudan və havadan eyni vaxtda keçirilən əməliyyatda 795 əməliyyat qrupu və 1987 polis əməkdaşı iştirak edib. Əməliyyatlar dəqiqəbədəqiqə 14 təyyarə tərəfindən müşayiət edilib. Axtarışlarda 37 narkotik itindən istifadə edilib. Adanadakı sintetik narkotik anbarına edilən basqında ümumilikdə 2 ton 259 kiloqram sintetik xammal müsadirə edilib və təxminən 5,8 milyon narkotik həbinin istehsalı və paylanmasının qarşısı alınıb. Ankarada 37 kiloqramdan çox kannabis, İstanbulda isə təxminən 6 kiloqram heroin müsadirə edilib.
Stopnarkotik.az
