“Azadlığa Dəstək Aktı”nın 907-ci düzəlişi Azərbaycana erməni işğalından azad edilmiş Qarabağı bərpa etməyə imkan vermir.
Bu qadağa həm də Bakının ölkə ərazisinin 13%-dən çoxunu zibilləyən 1,5 milyon minadan təmizləmək səylərini ləngidir. Bunu ABŞ-ın mühafizəkar media resursu “Newsmax” yazıb.
"Bu, mülki əhali üçün ciddi təhlükə yaradır və sosial-iqtisadi inkişafa mane olur. Üstəlik, bu, Vaşinqton üçün strateji və mənəvi səhvdir", deyə nəşr qeyd edir. Nəşrin yazısında Trampın 907-ci bölməni dayandırmaqla bu il Bakıya yardımı bərpa etmək imkanı əldə edəcəyi vurğulanır.
"Vaşinqton ortaq dəyərləri, idealları və məqsədləri paylaşan ABŞ, İsrail və Azərbaycanın üçtərəfli alyansının əsl potensialını nümayiş etdirməklə Bakı ilə strateji əlaqələrini gücləndirməlidir. Azadlığa Dəstək Aktının 907-ci düzəlişini ləğv etmək və ya fəaliyyətini dayandırmaq üçün addımlar atmaq onun növbəti xarici siyasət bombası olmalıdır. O vaxta qədər bu düzəliş ABŞ-ın Azərbaycanla əlaqələrinin inkişafına ən mühüm maneə törətməyə davam edəcəyini bildirir", deyə nəşr yazır.
Stopnarkotik.az
