Tovuzda uşaq baxçasının müdirəsi iş otağında döyülüb.
Stopnarkotik.az lent.az-a istinadən xəbər verir ki, hadisə Dönük Qırıqlı kəndində yerləşən uşaq baxçası körpələr evində qeydə alınıb.
Məlumata görə, 50 yaşlı Elçin Səfərov (ad və soyad şərtidir) baxçaya gəlib. Burada müəssisənin müdirəsi, keçmiş arvadı olan Şəfiqə ilə (şərti adla) aralarında mübahisə yaranıb.
Mübahisə zamanı o, əvvəl qadını boğub, sonra isə kürəyinə bıçaqla bir neçə dəfə vuraraq, xəsarət yetirib.
Faktla bağlı Elçin Səfərov polis əməkdaşları tərəfindən saxlanılıb və barəsində İnzibati Xətalar Məcəlləsinin 157-ci (döymə) maddəsilə protokol tərtib olunub.
Məhkəmənin qərarı ilə Elçin Səfərov 1 ay müddətinə inzibati qaydada həbs olunub.
