“Rusiya prezidenti Vladimir Putin ümid edir ki, dünya Ukraynadakı müharibəni unudacaq və buna öyrəşəcək. Lakin Almaniya buna imkan verməyəcək”.
Bunu Almaniya prezidenti Frank-Valter Ştaynmayer bildirib.
Almaniya dövlətinin başçısı Leypsiqdə Almaniya-Ukrayna bələdiyyə tərəfdaşlığı konfransında çıxışı zamanı bildirib ki, hazırda Kiyevin xüsusilə Yaxın Şərqdə münaqişə başlayanda daha çox dəstəyə ehtiyacı var: “Lakin təəssüf ki, Ukraynada müharibəyə artıq lazımi diqqət yetirilmir”.
“Putinin hesablaması ondan ibarətdir ki, dünya Ukraynanı unutmalıdır. Almaniya Rusiya prezidentinə belə bir xidmət göstərməməlidir və etməyəcək”, - RBC-Ukrayna Ştaynmayerdən sitat gətirir.
O, Almaniya cəmiyyətinin “Rusiyanın qeyri-qanuni və qeyri-insani təcavüzkar müharibəsinə” öyrəşməyəcəyini bildirib.
Ştaynmayerin fikrincə, Rusiyadan gələn təhlükə təkcə Ukraynanın deyil, həm də qonşu dövlətlərin üzərindədir.
