“Novaya qazeta Europe” qəzetinin yazdığına görə, mərhum siyasətçi, müxalifət lideri Aleksey Navalnının cəsədi Salexard rayon klinik xəstəxanasının meyitxanasındadır. Yerli təcili yardım işçisi jurnalistlərə bildirib ki, morqda polis mühafizəsi yaradılıb. Həmçinin, həkimin sözlərinə görə, Navalnının bədənində qıcolmalara xas olan qançırlar aşkar ediblər.
Nəşr tibb işçisinin sözlərindən sitat gətirir: “Belə zədələnmələr qıcolmalardan yaranır. İnsan qıcolma keçirir, onu saxlamağa çalışırlar, lakin qıcolmalar çox güclü ola bilər, ona görə də qançırlar yaranır”.
Bundan əlavə, tibb işçisi həmkarlarının Navalnının bədənində sinə sıxılmalarının xarakterik izlərini tapdığını bildirdi.
"Yəni hələ də onu reanimasiya etməyə çalışıblar və o, çox güman ki, ürək tutmasından dünyasını dəyişib. Amma bu dayanma niyə baş verib, hələ heç kim heç nə demir" - deyə, mənbə yekunlaşdırıb.
“Novaya-Avropa”nın məlumatına görə, Navalnın cəsədində hələ də yarılma aparılmayıb. Ehtimallara görə, yerli həkimlər Moskvadan mütəxəssislərin gəlməsini gözləyirlər. Məhkəmə-tibbi ekspertizasının nəticəsi alınana qədər mərhumun meyiti yaxınlarına verilə bilməz. Nəşr hesab edir ki, bəzi biomateriallar tədqiqat üçün paytaxta göndərilsə, bu, prosesi ən azı bir həftə gecikdirə bilər.
Bundan əvvəl Aleksey Navalnının anası Lyudmila və vəkilinin Salexard meyitxanasına gəldiyi, lakin ona telefonla Navalnının cəsədinin orada olmadığı bildirilib. Söhbətin hansı meyitxanadan getdiyi açıqlanmır: Salexardda iki morq var.
Navalnının mətbuat katibi Kira Yarmış bildirib ki, İstintaq Komitəsi ölümün səbəbinin hələ müəyyən edilmədiyini və cəsədin yoxlama aparılarkən qohumlarına verilməyəcəyini bildirib. Baxmayaraq ki, bundan əvvəl o, yoxlamanın başa çatdığı, heç bir cinayət izinin aşkarlanmadığını demişdi.
İstintaq Komitəsinin və Federal Penitensiar Xidmətin mərkəzi ofislərinin nümayəndələri də Salexarda gəliblər. Qəzetin mənbələrinə görə, onlar yerli FSİN əməkdaşlarını mətbuata məlumat sızdırmaqda ittiham edirlər. Yamalo-Nenets Muxtar Dairəsinin koloniyalarında cəza çəkən məhbuslarla hər hansı ünsiyyət indi olduqca çətindir./azpolitika.info
